Сақтандыру ұйымдарының 2022 жылға арналған міндетті жарналар мен шартты міндеттемелер мөлшерлерін, қосымша жарналардың абсолюттік мөлшерлерін есептеу үшін ақпарат беруі туралы

26.01.2022  11:35 UTC+6

2022 жылғы 14 қаңтарда "Сақтандыру төлемдеріне кепілдік беру қоры" АҚ (бұдан әрі – Қор) Қазақстан Республикасының Қаржы нарығын реттеу және дамыту агенттігіне (бұдан әрі – ҚРА) 2022 жылға арналған міндетті жарналар мен шартты міндеттемелердің мөлшерлерін, қосымша жарналардың абсолюттік мөлшерлерін есептеу үшін ақпаратты ұсыну мерзімін ұзартуды талап ететін объективті жағдайлардың болуына қатысты сақтандыру ұйымдарына блиц-сауалнама нәтижелерін жіберді. Қор өзінің қосымша хатында ҚРА-дан аталған мерзімді ұзарту қажеттілігі туралы мәселені қарау кезінде аталған сауалнаманың нәтижелерін ескеруді сұрады.

26 қаңтарда АФР Қордың аталған хатына жауап берді, аталған мерзімді ұзартуға болмайды деп көрсетілген. ҚРА өзінің жауабында мыналарды атап өтті:

"№387 Әдістеменің 2-тармағында қатысушы сақтандыру ұйымдары қаржы жылы аяқталғаннан кейін 30 күнтізбелік күн ішінде Қордың Директорлар кеңесінің шешімімен бекітілген нысан бойынша кепілдік берілетін сақтандырудың әрбір түрі бойынша және өзінің қаржылық жағдайы туралы өткен қаржы жылы үшін ақпаратты Қорға ұсынады. Осылайша, қатысушы сақтандыру ұйымдары Қорға 2022 жылғы 30 қаңтардан кешіктірілмейтін мерзімде тиісті ақпарат беруі тиіс. Демек, біздің пайымдауымызша, сақтандыру ұйымдарында қорға қажетті ақпаратты белгіленген мерзімде ұсыну үшін жеткілікті уақыты бар".

Қаз Рус
+7 727 393 2570 +7 727 248 0631 +7 727 339 3188
ipgf@ipgf.kz