 |
Сәлеметсіздерме!
Қазақстан Республикасының Қаржы нарығын реттеу және дамыту агенттігі мен Қазақстан қаржыгерлер қауымдастығының қолдауымен Сақтандыру төлемдеріне кепілдік беру қоры дайындаған білім беру платформасын ұсынуға қуаныштымын. Бұл жоба – сақтандыру нарығын жоғары білікті мамандармен қамтамасыз етудегі біздің үлесіміз. Платформа сіздің мансаптық мақсаттарыңызға жетуде, білімді кеңейтуде және сіздің құзыреттілігіңізді арттыруда сенімді көмекші болатынына сенімдіміз.
Біздің платформаны іске асырудағы алғашқы қадам актуарийлерді оқытудың минималды міндетті бағдарламасына сәйкес актуарийлерді оқыту бойынша 1-ші курсты іске қосу болды. Бұл бағдарлама бүгінгі таңда сақтандыру саласында ең сұранысқа ие мамандарды даярлау үшін арнайы дайындалған. Курс Сізге мамандықты жоғары деңгейде меңгеруге көмектесетін терең теориялық білімді, практикалық тапсырмаларды және заманауи құралдарды қамтиды.
Біз оқу процесін мүмкіндігінше ыңғайлы және тиімді етуге тырыстық, осылайша тыңдаушылар оны кәсіби қызметпен немесе оқумен сәтті үйлестіре алады, яғни ыңғайлы уақытта және орналасқан жеріңізге қарамастан білім алу. Курс аяқталғаннан кейін тыңдаушы оқу бағдарламасынан өткенін растайтын сертификат алады. Бұл курс сіз үшін болашақ жетістіктер мен табысты мансапқа жетуге, сондай-ақ Қазақстанның сақтандыру нарығын дамытуға үлес қосуға мүмкіндік береді деп сенеміз. Сізге оқуда сәттілік пен кәсіби деңгейді ұлғайтуды тілейміз!
Басқарма Төрағасы
Бурабаев Ерлан Омурзакович
|
Онлайн-платформа: Минималды міндетті актуарлық оқыту бағдарламасы
